2015 jylǵy 19 mamyr, Astana qalasy
Otyrǵyzylatyn materıaldy jáne arnaıy maqsattaǵy plantasııalyq ekpelerdi ósirý úshin memlekettik orman qory ýchaskelerin paıdalaný qaǵıdalaryn bekitý týraly
Qazaqstan Respýblıkasynyń 2003 jylǵy 8 shildedegi Orman kodeksiniń 13-baby 1-tarmaǵynyń 18-26) tarmaqshasyna sáıkes buıyramyn:
1. Qosa berilip otyrǵan Otyrǵyzylatyn materıaldy jáne arnaıy maqsattaǵy plantasııalyq ekpelerdi ósirý úshin memlekettik orman qory ýchaskelerin paıdalaný qaǵıdalary bekitilsin.
2. Qazaqstan Respýblıkasy Aýyl sharýashylyǵy mınıstrliginiń Orman sharýashylyǵy jáne janýarlar dúnıesi komıteti zańnamada belgilengen tártippen:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesin merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalanýǵa jiberilýin;
3) osy buıryqty Qazaqstan Respýblıkasy Aýyl sharýashylyǵy mınıstrliginiń ınternet-resýrsynda ornalastyrylýyn qamtamasyz etsin.
3. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasy Aýyl sharýashylyǵy mınıstri A.MAMYTBEKOV
«KELISILGEN»
Qazaqstan Respýblıkasy Energetıka mınıstri __________ V.ShKOLNIK
2015 jylǵy « __ » ________
Qazaqstan Respýblıkasy Aýyl sharýashylyǵy mınıstriniń
2015 jylǵy 19 mamyrdaǵy №18-1/451 buıryǵymen bekitilgen
Otyrǵyzylatyn materıaldy jáne arnaıy maqsattaǵy plantasııalyq ekpelerdi ósirý úshin memlekettik orman qory ýchaskelerin paıdalaný qaǵıdalary
1. Osy Otyrǵyzylatyn materıal jáne arnaıy maqsattaǵy plantasııalyq ekpelerdi ósirý úshin memlekettik orman qory ýchaskelerin paıdalaný qaǵıdalary 2003 jylǵy 8 shildedegi Qazaqstan Respýblıkasynyń Orman kodeksiniń 13-baby 1-tarmaǵynyń 18-26) tarmaqshasyna sáıkes ázirlendi (budan ári–Orman kodeksi) jáne otyrǵyzylatyn materıaldy jáne arnaıy maqsattaǵy plantasııalyq ekpelerdi ósirý úshin memlekettik orman qory ýchaskelerin paıdalaný tártibin aıqyndaıdy.
Osy Qaǵıdalar erekshe qorǵalatyn tabıǵı aýmaqtarǵa qoldanylmaıdy.
2. Otyrǵyzylatyn materıaldy jáne arnaıy maqsattaǵy plantasııalyq ekpeler ósirý úshin memlekettik orman qory ýchaskelerin paıdalaný orman ósirýdi, respýblıka ekonomıkasynyń súrek resýrstaryna muqtajyn qamtamasyz etý maqsatynda shyǵymdylyǵy joǵary plantasııalyq ekpeler qurýdy, muragerlik qasıetteri jaqsartylǵan orman tuqymdaryn qoldanyp seleksııalyq-genetıkalyq negizde orman pıtomnıkterin qurý men damytýdy jáne otyrǵyzylatyn materıal óndirýdi yntalandyrýdy kózdeıdi.
3. Otyrǵyzylatyn materıaldy jáne arnaıy maqsattaǵy plantasııalyq ekpeler ósirý úshin memlekettik orman qory ýchaskeleri jeke jáne zańdy tulǵalarǵa (budan ári–orman paıdalanýshy) Orman kodeksiniń 5-taraýyna sáıkes uzaq merzimdi orman paıdalanýǵa beriledi.
4. Arnaıy maqsattaǵy plantasııalyq ekpelerdi jáne aǵash jáne buta tuqymdylarynyń otyrǵyzylatyn materıaldy ósirý úshin memlekettik orman qorynyń ormansyz jerlerge jatatyn ýchaskeleri bólinedi.
5. Arnaıy maqsattaǵy plantasııalyq ekpelerdi jáne aǵash jáne buta tuqymdylarynyń otyrǵyzylatyn materıaldy ósirý jumystary osy salada mamandanǵan jobalaý-izdestirý uıymdary orman paıdalanýshylardyń qarajaty esebinen ázirleıtin tez ósetin aǵash jáne buta tuqymdylarynyń plantasııalaryn otyrǵyzýǵa jáne ósirýge nemese jekeshe orman pıtomnıkterin qurýǵa jáne damytýǵa arnalǵan jumys jobasyna (budan ári–jumys jobasy) sáıkes júzege asyrylady.
6. Jumys jobasy ónimdi ósirýden bastap ótkizýge nemese óńdeýge deıingi jumystar sıklyn qamtıdy jáne mindetti memlekettik ekologııalyq saraptamadan ótýge jatady.
7. Orman paıdalanýshy memlekettik orman qory ýchaskelerin otyrǵyzylatyn materıaldy jáne arnaıy maqsattaǵy plantasııalyq ekpelerdi ósirý úshin paıdalaný kezinde Orman kodeksiniń 63 baby 2 tarmaǵymen bekitiletin ormandarda órt qaýipsizdigi qaǵıdalarynyń, Orman kodeksiniń 67 baby 3 tarmaǵymen bekitiletin sanıtarııalyq qaǵıdalardyń jáne Qazaqstan Respýblıkasynyń Ekologııalyq kodeksiniń 227 bybyna sákes ekologııalyq talaptardyń saqtalýyn qamtamasyz etedi.
Buıryq Qazaqstan Respýblıkasynyń Ádilet mınıstrliginde 2015 jylǵy 8 shildedegi Normatıvtik quqyqtyq kesimderdi memlekettik tirkeýdiń tizilimine №11589 bolyp engizildi.